Imaxe: Real Club Náutico de Vigo

A piques de pechar o ano, disputouse en Lugo o Campionato de Galicia de inverno nas categorías absoluta e júnior. A nadadora Rosalía Soler, do Real Club Náutico de Vigo, acadou o ouro autonómico no 100 metros bolboreta, mais ven de facer unha excelente tempada, pois xa en xullo o equipo feminino vigués alzara a presea dourada na competición de verán. 

O club da deportista tamén remata o ano como subcampión absoluto de natación nos Campionatos de Galicia de inverno, revalidando a súa posición do ano anterior. Só quedou por detras do CN Ponteareas, club da nadadora Carla Carron, quen acadou o primeiro posto nas probas de 50 metros libres e 400 metros libres.