Imaxe: Pedro Rivas, CI Zalaeta

O comezo de tempada do Zalaeta non pode ser mellor: tres xornadas, tres vitorias. Isto coloca ao equipo galego na segunda posición da clasificación nacional, empatadas a puntos co UC3M Voleibol Leganés. 

O último triunfo tivo lugar este sábado no polideportivo do Barrio das Flores, na Coruña. O Zalaeta atopouse cun VP Madrid que apenas puido facer oposición, xa que as do conxunto da cidade herculina se amosaron moi cómodas durante o partido. As madrileñas, polo tanto, non puideron anotar en ningún dos tres sets ( 25-12; 25-21; e 25-18), e o marcador rematou cun 3-0 a favor do Zalaeta.

Malia algunhas baixas deste verán, o equipo de Jorge Barrero soubo facer fronte a esta nova tempada con moitas ganas. Neste encontro, non pasou desapercibida a coruñesa Inés Losada, quen se converteu na máxima anotadora con 14 puntos, seguido de Alba Quirós e Inés Rivas, ambas con 9 puntos. 

• Próxima xornada: CV Torrelavega - Zalaeta, en Cantabria.